नेपाली पत्रकार लोग से हामार निहोरा !
हार्दिक अपिल-
नेपाल में आईल माहाभुकम्प नेपाल देश में केतना बर्बादी कईले बा कोई से छुपल नईखे I नेपाल देश में भूकम्प पीड़ित लोग के उदार करे खतिरा दुनिया के हर देश से उदार कर्मी लोग निस्वार्थी भावना से आईल बा लोग औरी कर भी रहल बा लोग I नेपाल अभी बहुते नाजुक समय से गुजर रहल बा औवुरी एह नाजुक समय में पत्रकार संघतिया लोग के सही औरी सटीक समाचार छाप के नेपाल देश के पत्रकारिता के दुनिया में नाम चिनाहवल बहुत जरुरी बा I आज नेपाल में नेपाल से ज्यादा बिदेशी मिडिया लोग एह देश में मिडियाबाजी कर रहल बा लोग I जेकरा जाथी मन करता कह देहेन्ही औवुरी जाथी मन कर ता देखा देहेनी I
आज नेपाल में आईल बिनाशकारी भूकम्प के ’bout में सही जानकारी लेवे खतिरा भूकम्प से क्षति भईल बहुते अईसन जगह बा जहा अभी तक ना त नेपाल के संचार कर्मी लोग पहुचल बा नहीं बिदेशी संचारकर्मी लोग I बस एके गो सामाचार के मसाला लगा लगा औरी भाषा बदल बदल के हर मिडिया से प्रसारण कर रहल बा लोग I काठमांडू राजधानी भईला से ह सायद की सारा मिडियाबाजी काठमांडू में ही हो रहल बा I एकर ईगो वजह ईहो बा की काठमांडू में हर जगह सि सि टीबी क्यामरा में कैद जियते भूकम्प के तस्बीर I कोई पत्रकार संघतिया लोग के भूकम्प से पीड़ित गाव नईखे लउकत I का नेपाल के पत्रकारीता ख़ाली राजधानी औरी सदरमुकाम में ही सिमित बा ? का नेपाल के पत्रकार चाहे संचारकर्मी लोग दुर्गम जगह के पीड़ित लोग के पीड़ा अपना कलम से लिखे में औरी आपना क्यामरा में कैद करे में असमर्थ बा लोग ? का गाव के भूकम्प पीड़ित के जिनगी के कौनो अधिकार नईखे नेपाली चाहे बिदेशी मिडिया में ?
नेपाल में आईल यी माहाप्रलय पुरे नेपाल देश के झकझोर के रख देहेले बा आज हमनी सिन्धुली के माँडी में पहुचल रहनी I पुरे सिन्धुली में ५० गो गाव बा जेमे से ४० गो गाव पूर्ण रूप से ध्वस्त हो गईल बा I एह जगह पर ना कौनो पत्रकार पहुचल बाड़े नाही ज्यादा राहत के सामग्री I सिन्धुली के सहायक जिल्ला प्रशासन अधिकारी जी से पता चलल ह की की ४० गो गाव में कमती में २५००० घर पूर्ण रूप से टूट चुकल बा I रहे के त्रिपाल के खोजी होता पर मिलत नईखे I हमनी कुछ राहत सामग्री ले के गईल रहनी सन I सहायक जिल्ला प्रशासन अधिकारी औरी कंदमूल कह के जगह के संसद जी हमनी के बतावानी की अभी ईहा चाऊर, दाल, नून, तेल, मसाला, तरकारी औरी सब से ज्यादा जरुरी वाला चीज बा त्रिपाल I
का अईसन जगह पर देश के चौथा अंग पत्रकार जी लोग नईखे जा सकत ? का ईहा के जानता के दर्द दर्द ना ह ? का यी २५००० घर के क्षति से नेपाल के न्यूज चैनल के टी. आर. पी. ना बढ़ी ? हामार निहोरा बा सारा पत्रकार संघतिया चाहे संचार जगत में लागल हर उ ब्यक्ति से की ब्याव्शायिक सोच के बदल के यी बिनास्कारी स्थिति में मानवता के सोच बनाई लोगन I अप्रमाणिक, अबैज्ञानिक औरी तथ्य रहित चाहे दोसरा के नक्कल वाला समाचार छापला चाहे प्रसारण कईला के जगह रौउवा लोगन प्रमाणिक, बैज्ञानिक, सत्य औरी खुद पीड़ित के दर्द बुझ के समाचार के छापे के चाहे देखावे के कोशिस करी लोगन I
अभी भी फेसबुक पर देखल जाता बहुत पत्रकार संघतिया लोग आपन वाल पर सामाचार लिखत बानी लोग जेमे भारतीय के बिबाद त पाकिस्तानी बिबाद त कही नेता लोग के खिचाई करत रहता लोग I आज ९ दिन हो गईल नेपाल में भूकम्प के आवत औरी उ भी लगातार अर्थात हर दिन कही ना कही एक बेर जरुर आजाता I रोज आदमी लोग मरता औरी रोज केतना आदमी घायल हो जाता लोग I का भूकम्प के पीड़ा से बड़का बा दोसर देश जे सारा पत्रकार लोग आपन देश के जानता के पीड़ा औरी दर्द के भुला के दोसरा देश के पीछे औरी नेता जी लोग के पीछे आपन समय देता लोग I
कोई पत्रकार संघतिया लोग अपन फोटो अपडेट करे में लागल बा लोग त कोई आपन खुद के प्रचार करे में त कोई नेता औरी बिदेशी के ’bout में बहस करे में I का संचारकर्मी औरी पत्रकार संघतिया लोग खातिर यी सब करे के उचित समय ईहे ह I का हमनी कुछ दिन खतिरा आपन ब्यवशायिक सोच नईखी सन बदल सकत ? का पत्रिका सिर्फ पईसा कमाए के जरिया बन गईल बा ? की हमनी के पत्रकार लोग ही सक्षम नईखे एह काम में ? की पत्रकारिता जगत में पत्रकारिता सम्बन्धी ज्ञान के कमी बा ? की देश के पत्रकार लोग दोसरा पर निर्भर बा ?
एडमिन पैनल ,HBAB
नोट – HBAB के एडमिन अशोक कुशवाहा आ उनकर टीम सिन्धुली जिल्ला के भ्रमण के समय सामने आईल कुछ सच पर आधारित अपील लिखल गईल बा I निचे उहाके भेजल कुछ तस्बीर रउवा देख सकत बानी I धन्यबाद !